തിരുവനന്തപുരം: സംസ്ഥാനത്ത് ഇന്ന് വൈദ്യുതി നിയന്ത്രണം വേണ്ടി വരില്ലെന്ന് കെഎസ്ഇബി. മധ്യപ്രദേശില് നിന്നും സ്വാപ്പ് വഴിയുള്ള 200 മെഗാവാട്ട് ഇന്ന് ലഭിക്കും. പവര് എക്സ്ചേഞ്ച് വഴി 450 മെഗാവാട്ടും ഉറപ്പാക്കിയിട്ടുണ്ട്. ഇതോടെയാണ് നിയന്ത്രണം വേണ്ടി വരില്ലെന്ന് കെഎസ്ഇബി വ്യക്തമാക്കിയത്.
600 മെഗാവാട്ടാണ് വൈദ്യുതിയില് ഇന്ന് കുറവ് പ്രതീക്ഷിച്ചിരുന്നത്. മഴ കനത്തതോടെ വൈദ്യുതി ഉപഭോഗത്തിലും കുറവുണ്ട്. ഇന്നലെയും സംസ്ഥാനത്ത് പവര്കട്ട് വേണ്ടിവന്നിരുന്നില്ല.
അതേസമയം സംസ്ഥാനത്ത് ഇന്ന് ആറ് ജില്ലകള്ക്കാണ് മഴ മുന്നറിയിപ്പ് നല്കിയിട്ടുള്ളത്. തിരുവനന്തപുരം, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളിലാണ് ഇന്ന് യെല്ലോ അലേര്ട്ടുള്ളത്. നാളെ ഒരു ജില്ലകളിലും മഴ മുന്നറിയിപ്പ് ഇല്ല.
Content Highlights: KSEB has announced that power restrictions will not be required in Kerala today. The decision follows arrangements to receive 200 MW from Madhya Pradesh through a power swap and secure another 450 MW through the power exchange.